Җәмгыять 28 август 2006 14:25

Узган ял көннәрендә юл фаҗигаләрендә тагын өч кешенең гомере өзелде

Скопировать ссылку

(Казан, 28 август, “Татар-информ”, Наталья Рыбакова). Кичә Татарстанда өч кеше юл һәлакәте корбаны булды. Фаҗигале хәлләр Балтач, Теләче районнарында һәм Казан шәһәрендә теркәлде. Бу хакта бүген “Татар-информ” агентлыгына Татарстан Республикасы юл хәрәкәте иминлеге дәүләт инспекциясеннән хәбәр иттеләр.

Балтач районында юл фаҗигасе төнге сәгать икедә теркәлә. “ГАЗ” автомобиле белән исерек хәлдә идарә итүче ир-ат тизлеген арттыра һәм аның машинасы ике җәяүлене бәрдереп китә. Нәтиҗәдә, 1985 елгы егет алган яралардан шунда ук үлә, ә икенче җәяүле кулын имгәтә.

Теләче районында исә юл-транспорт һәлакәте 21 сәгать 35 минутта Максабаш авылында теркәлә. Тизлекне арттыру аркасында комбайнчы үз машинасы белән кюветка төшеп китә. Моның ахыры да аяныч тәмамлана – комбайнчы алган яралардан фаҗига булган урында ук якты дөнья белән хушлаша. Казанның Җиңү проспектында теркәлгән юл һәлакәте дә бер кешенең үлеме белән тәмамлана.

Татарстанда августның 27 көне эчендә барлыгы 746 юл-транспорт фаҗигасе булган, аларда 75 кеше үлгән, 1005е төрле дәрәҗәдә имгәнү алган.

Сәхифәләр

Узган ял көннәрендә юл фаҗигаләрендә тагын өч кешенең гомере өзелде