Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Узган төндә Петербург янындагы VK дата-үзәгенә БПЛА һөҗүм иткән
Украина пилотсыз очкычлары төнлә Ленинград өлкәсендә VK холдингы мәгълүматларын эшкәртү үзәгенә һөҗүм иткән. Бу хакта компаниянең матбугат хезмәте хәбәр итә.
«VK сервислары кулланучылар өчен гадәти режимда эшли», – дип өстәделәр матбугат хезмәтендә.
Ленинград өлкәсе губернаторы Александр Дрозденко Телеграм-каналда Мәскәү вакыты белән 7:58 сәгатькә төбәк территориясендә 135 дошман БПЛАсы юк ителүе турында белдерде.
Өлкә башлыгы мәгълүматлары буенча, дроннарның «калдыклары» Гатчинадагы һәм Всеволжскидагы күп фатирлы йортларга, шулай ук Кировск районындагы шәхси йортка төшкән. Ломоносовский районындагы Низинода парковкада дүрт автомобильгә зыян килгән һәм янгын чыккан, шул ук райондагы Новосельеда парковкаланган 55 машинага зыян килгән.
Күпчелек урыннарда зыян күрүчеләр юк, дип ачыклык кертте Дрозденко, әмма Всеволжск районында «торак йортка БПЛА калдыклары төшкәннән соң янгын чыккан, дүрт кеше – хатын-кыз һәм өч бала хастаханәгә озатылган».
Шулай ук электр сүнү очраклары да булган, авария эшләре алып барыла.
Яңалыкларны күзәтеп бару өчен Макс-каналга язылыгыз