Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Узган төндә Түбән Кама сәнәгать зонасындагы заводларның берсендә янгын чыккан
Янгында беркем дә зыян күрмәгән, Түбән Кама халкына куркыныч янамый.
(Казан, 25 октябрь, «Татар-информ»). Төнлә Түбән Кама сәнәгать зонасындагы заводларның берсендә янгын чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
112 бердәм номерына янгын чыгуы турындагы хәбәр төнге икеләр тирәсендә килгән. Ут белән көрәшүчеләр урынга барып җиткәч, насос җайланмасында изопренның сыек фракциясе януын ачыклаган. Коткаручылар җайланмага килә торган продуктның юлын япкан.
2.33 сәгатьтә янгынны тулысынча сүндергәннәр. Аның мәйданы биш квадрат метр тәшкил иткән.
Янгында беркем дә зыян күрмәгән, Түбән Кама халкына бернинди куркыныч та янамый.
Җитештерүдә технология процессы бозылмаган. Янгынның сәбәпләре ачыклана.
Кызыклы яңалыкларны күзәтеп бару өчен Телеграм-каналга язылыгыз