Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Узган ел Татарстан һәм Төрекмәнстан арасындагы товар әйләнеше 27 процентка кимегән
Татарстан Президенты Рөстәм Миңнеханов Төрекмәнстанның элекеге Президенты Гурбангулы Бердымөхәммәдов белән ике республика арасындагы үзара хезмәттәшлек хакында фикер алышты. Очрашуда алар 2021 елда Татарстан һәм Төрекмәнстан арасындагы товар әйләнеше 27 процентка кимүен билгеләп үтте.
Ел нәтиҗәләре буенча ул 77,5 миллион доллар тәшкил иткән, дип хәбәр итә ТР Президентының матбугат хезмәте. Шуның белән бергә, кайбер килешүләр гамәлгә ашырылган.
Татарстан Төрекмәнстанга 2 меңгә якын КАМАЗ саткан. Компания шулай ук дүрт укыту-сервис үзәге төзи. Якындагы айларда аларның икесен ачарга ниятлиләр.
«Татнефть» белән төзелгән килешүләр дә озайтылган. Компания Готурдепе ятмасында нефть чыгаруны арттырырга тиеш. Узган ел ул Төрекмәнстанга 1,35 миллиард сумлык чимал булмаган продукция саткан.
Яклар нефть промыселы җиһазлары җитештерү һәм ремонтлау буенча импортны алыштыруга бәйле проектларны хезмәттәшлекне үстерүнең перспективалы юнәлешләре дип саный.
Миңнеханов Россия һәм Төрекмәнстан арасындагы дипломатик мөнәсәбәтләр кысаларында Татарстан – Төрекмәнстан хезмәттәшлегенә бәйле мәсьәләләргә шәхси игътибар күрсәткәне өчен Гурбангулы Бердымөхәммәдовка рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз