Җәмгыять 19 гыйнвар 2018 17:12

Узган ел прокурор тикшерүләре буенча 279 җинаять эше кузгатылган

19652 җинаять эше республика судларына юлланган.

Скопировать ссылку

Казан, 19 гыйнвар, "Татар-информ", Гөлнар Гарифуллина). Узган елда Татарстан прокурорлары тарафыннан 48 меңнән артык закон бозу очрагы ачыкланган. Бу хакта бүген Татарстан прокуратурасының 2017 елга йомгак ясауга багышланган коллегия утырышында республика прокуроры Илдус Нәфыйков хәбәр итте. Утырышта Татарстан Республикасы Президенты Рөстәм Миңнеханов катнаша.

Былтар 3925 норматив-хокукый акт тиешле тәртипкә китерелгән, 2015 кеше дисциплинар һәм административ җаваплылыкка тартылган.

Гомумән алганда, прокурорлар инициативасы буенча 3 меңнән артык кеше административ җаваплылыкка тартылган. Прокурор тикшерүләре буенча 279 җинаять эше кузгатылган. 19652 җинаять эше республика судларына юлланган. Зыян күрүчеләрнең хокукларын яклау максаты белән, элек теркәлмәгән 1634 җинаять фаш ителгән. Прокурорлар күзәтчелеге нәтиҗәсендә, эш хакы буенча 520 миллион сумлык бурыч түләттерелгән. ТФБ-финанста катнашкан 255 кеше юридик ярдәм алган һәм суд карарлары буенча алар 310 миллион сум акча алачак.

#илдус нәфыйков #прокуратура #прокурор тикшерүләре

Сәхифәләр

Узган ел прокурор тикшерүләре буенча 279 җинаять эше кузгатылган