news_header_top_970_100
news_header_bot_970_100

Узган ел Горький тимер юлында 3 млн. 640 меңнән артык пассажир фирма поездларыннан файдаланган

Аларның саны, 2009 елга караганда, 100 меңгә арткан

(Казан, 19 гыйнвар, “Татар-информ”). Горький тимер юлында бүгенге көндә ерак маршрутларда 11 фирма поезды хезмәт күрсәтә. Узган ел магистральдә фирма поездлары хезмәтеннән файдаланган пассажирлар саны, 2009 елга караганда, 100 меңгә күбрәк булган. 2010 ел дәвамында барлыгы 3 млн. 640 меңнән артык пассажир фирма поездларында ерак юлга сәфәр чыккан.
Бу чорда иң күп пассажирларны Киров–Мәскәү маршруты буенча йөрүче “Вятка” поезды ташыган. Икенче күрсәткеч – Чабаксар–Мәскәү арасын бәйләүче “Чувашия” фирма поездында. Беренче өчлеккә шулай ук ел дәвамында 361 меңнән артык пассажирга хезмәт күрсәткән “Волга” поезды (Түбән Новгород –Санкт-Петербург) керә.
 

news_right_column_1_240_400
news_right_column_2_240_400
Медиаметрикс
news_bot_970_100