Узган айда Әлмәттә 212 бала туган
Иң яшь әтигә 22 яшь, ә иң яшь әни 17 яшьтә.
Скопировать ссылку
(Әлмәт, 4 декабрь, "Татар-информ", "Әлмәт таңнары"). Көзнең соңгы аенда Әлмәт ЗАГС идарәсендә 212 бала тууы теркәлгән. Алар - 96 малай һәм 116 кыз бала. Бу турыда җирле басма хәбәр итә.
Иң кечкенәсенең авырлыгы -2510 гр булса, иң олысыныкы - 4490 гр.
Бала сөю бәхетенә ирешкән иң өлкән әти кешегә - 44, әни кешегә 42 яшь булса, иң яшь әти - 22, иң яшь әни 17 яшьтә.
Иң популяр исемнәр рәтенә Реналь, Кәрим, Таир, Самат, Елизаветта, Милана һәм Рамина керсә, иң сирәк кушыла торган исемнәргә Имир, Райнар, Оливия һәм Лагерта керә.