Узган атнада Түбән Камада 46 бала туган
Хәзер хатын-кызлар консультациясендә 1 487 булачак әни исәптә тора.
Скопировать ссылку
(Казан, 7 октябрь, "Татар-информ"). Узган атнада Түбән Кама перинаталь үзәгендә 46 бала дөньяга килгән. Бу турыда Түбән Кама муниципаль районы рәсми сайтында хәбәр ителә.
Үзәк Түбән Кама гына түгел, башка шәһәрләрдән килүчеләрне дә кабул итә. Бу атнада чит шәһәрләрдән тугыз хатын-кыз килгән. Хәзер хатын-кызлар консультациясендә 1 487 булачак әни исәптә тора.
Яңа туган балалар патологиясе бүлегендә 32 бала һәм 10 хатын-кыз дәвалана.