Узган атнада казанлылар балаларына Рамзес, Лазарь, Аврора һәм Батыр исемнәре кушкан
Узган атнада Казанның Гражданнар хәле актларын теркәү бүлекләрендә 433 бала тууы теркәлгән: 236 малай һәм 197 кыз.
(Казан, 28 июль, “Татар-информ”). Узган атнада Казанның Гражданнар хәле актларын теркәү бүлекләрендә 433 бала тууы теркәлгән: 236 малай һәм 197 кыз. Бу хакта Казанның Гражданнар хәле актларын теркәү идарәсе хәбәр итә.
Казанның иң яшь анасына 17 яшь, иң өлкәненә – 45. Иң яшь әтигә 18 яшь, иң өлкәненә – 55. Туган вакытта минималь һәм максималь бала авырлыгы күрсәткечләре – 580 һәм 4740 грамм.
Атна дәвамында иң еш кушылган исемнәр: Ясминә, Милана, Әминә, Әмир, Тимур, Никита, Алиса, Ева, Кирилл һәм Камиль. Сирәк кушылган исемнәр: Леон, Давид, Леона, Лазарь, Әмин, Златослава, Рамзес, Аврора, Назар, Батыр, Евангелина, Лана, Әмирхан.