Икътисад 24 декабрь 2009 12:21

Узган атнада бензин бәясе тагын очсызланды

Казанда АИ 93,92 маркалы бензин 32 тиенгә, АИ-95 лесе -36 тиенгә арзанайды

Скопировать ссылку

(Казан, 24 декабрь, “Татар-информ”). Узган 1 атнада Казанда АИ 93,92 маркалы бензин 32 тиенгә, АИ-95 лесе -36 тиенгә, А-76 лы бензин- 1 тиенгә очсызланган. Дизель ягулыгы, киресенчә, 18 тиенгә күтәрелгән. Хәзер Татарстан башкаласында АИ-93,92 ле бензинның 1 литры уртача 20 сум 5 тиен тора. АИ-95 ле ягулыкның литры 22 сум 49 тиеннән, А-76 лы ягулыкныкы-18 сум 82 тиеннән сатыла. Дизель ягулыгының литры уртача 17 сум 3 тиен тора.

Татарстанстат хәбәрләренә караганда, Идел буе федераль округында иң кыйммәтле А-76, АИ-92,93 һәм АИ-95 ле бензиннар һаман да Саранскида сатыла. Аларның 1 литры биредә уртача 20 сум 1 тиен, 22 сум 30 тиен һәм 23 сум 86 тиен тора. Литры уртача 18 сум 50 тиен торучы иң кыйммәтле дизель ягулыгы, инде берничә атна рәттән, Уфада теркәлгән.

Бераз артуына карамастан, Казанда сатылучы дизель ягулыгы бәясе, узган атна йомгаклары буенча, округта иң арзанлысы булып кала. Бездәге АИ-92,93 ле бензин да округта иң очсызы. 17 сум 55 тиенлек арзанлы А-76 лы бензин һәм иң түбән хаклы АИ-95 бензины (21 сум 92 тиен) Оренбургта сатыла.

Сәхифәләр

Узган атнада бензин бәясе тагын очсызланды