Үзбәкстанның Янгиюль шәһәрендә традицион татар бәйрәме – Сабантуй була
Скопировать ссылку
24 майда Үзбәкстанның Янгиюль шәһәрендә татар халкының милли бәйрәме – Сабантуй була. Бәйрәмне үткәрү урыны итеп традицион рәвештә шәһәрнең Үзәк аллеясы сайланган. Бу хакта Ташкент шәһәре татар иҗтимагый мәдәни-агарту үзәге хәбәр итә.
Бәйрәм чаралары иртәнге 10:00 сәгатьтә башлана. Сабантуйда теләге булган һәркем катнаша ала. Керү ирекле.
Бәйрәм программасында:
- Милли уеннар һәм спорт ярышлары;
- Татар халык җырлары һәм биюләре;
- Күңелле аттракционнар һәм мастер-класслар.
Масштаблы күмәк чара татар халкының традицион бәйрәменең рухын һәм милли колоритын чагылдырачак. Сабантуй – дуслыкны ныгыту һәм борынгы гореф-гадәтләрне яңарту өчен менә дигән форсат, диелә хәбәрдә.
Фото: Ташкент шәһәре татар иҗтимагый мәдәни-агарту үзәге