Үзбәкстанда милли-мәдәни үзәк вәкилләре катнашында җылы һәм истә калырлык чара булды
Үзбәкстанның Җизак шәһәрендә Халыкара халыклар дуслыгы көнен бәйрәм итү кысаларында төрле милли- мәдәни үзәкләрнең вәкилләре катнашында җылы һәм истә калырлык чара узды. Бу хакта Ташкент шәһәре Татар иҗтимагый мәдәни-агарту үзәге хәбәр итә.
«Идел» татар мәдәни үзәге чарада актив катнашучыларның берсе булды, үзәк тарафыннан оештырылган күргәзмәдә милли ризыклар, көнкүреш әйберләре, традицион костюмнар һәм халык иҗаты эшләнмәләре тәкъдим ителгән иде. Бәйрәм кунаклары татар халкының бай мәдәнияте белән танышып кына калмады, ә борынгы рецептлар буенча әзерләнгән традицион ризыкларны авыз итеп тә карады. Чараның атмосферасы дуслык, үзара аңлашу һәм мәдәниятләрнең күптөрлелегенә карата хөрмәт рухы белән сугарылган иде. Бәйрәм илебездә яшәүче халыклар арасында тынычлык һәм татулыкның җанлы дәлиле булды, милләтара бердәмлекне саклау һәм ныгытуның мөһимлеген искәртте.