news_header_top
16+
news_header_bot
news_top

Үзбәкстан Президенты «ИННОПРОМ. Үзәк Азия» форумында Татарстан стендында булды

Үзбәкстан Президенты Шәүкәт Мирзиеев «ИННОПРОМ. Үзәк Азия» V Халыкара сәнәгать күргәзмәсендә булды. Бу хакта «Татар-информ»га Татарстан Сәнәгать һәм сәүдә министрлыгы матбугат хезмәтендә хәбәр иттеләр.

Мирзиеевны Татарстан Рәисе Рөстәм Миңнеханов озата йөрде. Стендта шулай ук Россия Сәнәгать һәм сәүдә министрлыгы башлыгы Денис Мантуров та булды.

Фото: © Татарстан Сәнәгать һәм сәүдә министрлыгы матбугат хезмәте

Татарстан күргәзмәдә үз продукциясен аерым стендта тәкъдим итте. Катнашучылар арасында Казан вертолет заводы, «Казан моторлар төзү» җитештерү берләшмәсе, Химград, «Мастер» КИП, «Татлифт» һәм «Эйдос Медицина» кебек предприятиеләр бар. КАМАЗ аерым стендта тәкъдим ителде.

«ИННОПРОМ. Үзәк Азия» – Үзәк Азиядә сәүдә-сәнәгать хезмәттәшлегенең төп чарасы, ул Ташкентта уза. Татарстан төбәк-партнер, ә Рөстәм Миңнеханов спикер буларак чыгыш ясый. Ул инде пленар сессиядә катнашты.

news_right_1
news_right_2
news_bot