Икътисад 13 декабрь 2024 11:27

Үзәк Банкның экс-җитәкчесе Россия Банкы төп ставканы үзгәртми калдыра ала дип саный

Скопировать ссылку

Үзәк Банкның элекке башлыгы Сергей Дубинин Россия банкы 20 декабрьдә узачак утырышта төп ставканы үзгәртми калдыра ала дип саный.

Спикер аңлатканча, төп ставканы күтәрү инфляция белән көрәштә нәтиҗәне тиз арада түгел, ә бары тик ярты елдан соң гына китерәчәк. «Минемчә, мондый шартларда төп ставканы үзгәртмичә дә була. Берни дә үзгәрмәячәк», – дип яза Дубинин сүзләрен «Газета.Ru».

Әмма ул Үзәк Банк җитәкчеле чынлыкта ставканы 22 процентка ( 1 процент) кадәр арттырачак дип саный. «Миңа калса, арттыру кирәклеген таныячаклар», – дигән Дубинин.

Баштарак Үзәк Банк башлыгы Эльвира Нәбиуллина «Россия зовет!» инвестиция форумында Үзәк банк төп ставканы 20 декабрьдә күтәрәчәк, дип фаразлаган иде. Әмма карар алдан билгеләнмәгән, дип өстәде ул. Аның сүзләренчә, инфляция факторы барлыкка килде — валюта курсы, бәяләр үсеше югары булып кала. Әмма шул ук вакытта кредит бирү (шул исәптән компанияләр арасында да) акрынайган.

Соңгы мәртәбә Үзәк Банк төп ставканы 19 проценттан 21 процентка күтәргән иде. Журналистларның мондый процентка кредитны кемнәр ала дигән соравына Эльвира Нәбиуллина: «Бизнес ала!» дип җавап бирде.

Сәхифәләр

Үзәк Банкның экс-җитәкчесе Россия Банкы төп ставканы үзгәртми калдыра ала дип саный