Үзәк банк чит ил валютасын алуга чикләүләрне тагын ярты елга озайтты
Скопировать ссылку
Россия Банкы чит ил валютасын алуга чикләүләрне тагын ярты елга, 2024 елның 9 сентябренә кадәр озайтты. Бу хакта регуляторның матбугат хезмәте хәбәр итә.
Мондый карар Россиягә каршы «санкцияләр» белән бәйле. Алар илнең финанс институтларына көнбатыш илләренең акчалата валютасын сатып алуны тыя, дип аңлаттылар Үзәк Банкта.
2022 елның 9 мартына кадәр валюта хисабы яки кертемнәре ачылган гражданнар, кертем яки хисапның нинди валютада булуына карамастан, аннан 10 меңнән артык АКШ доллары яки евро ала алмый. Калган акчаларны элеккечә рубльдә алырга мөмкин.