Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ушаков: Путин Казанда узачак Россия – АСЕАН саммитында катнашачак
Россия Президенты Владимир Путин Казанда узачак Россия – АСЕАН саммитында катнашачак. Бу хакта РФ Президенты ярдәмчесе Юрий Ушаков хәбәр итте.
Аның сүзләренчә, дәүләт башлыгы ике көндә – 17 һәм 18 июньдә катнашачак.
«Чәршәмбе һәм пәнҗешәмбе, ягъни 17-18 июньдә, Казанда Президентыбыз Россия Федерациясе – Көньяк-Көнчыгыш Азия дәүләтләре ассоциациясе юбилей саммитында катнашачак», – диде ул брифингта.
Россия белән АСЕАН арасындагы партнерлыкның 35 еллыгына багышланган юбилей саммиты Казанда 17-19 июньдә узачак. Аның кысаларында 17 июньдә Россия – АСЕАН эшлекле форумы да булачак.
Көньяк-Көнчыгыш Азия дәүләтләре ассоциациясе (АСЕАН) 1967 елда төзелгән. Ул унбер илне үз эченә ала: Бруней, Көнчыгыш Тимор (2025 елның октябреннән), Вьетнам, Индонезия, Камбоджа, Лаос, Малайзия, Мьянма, Филиппин, Сингапур һәм Таиланд. Папуа – Яңа Гвинея махсус күзәтүче статусына ия.
Кызыклы яңалыкларны күзәтеп бару өчен Телеграм-каналга язылыгыз