Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ушаков: Казанда Россия – АСЕАН саммитында дүрт уртак документ кабул ителәчәк
Россия – АСЕАН саммитында катнашучылар чара кысаларында дүрт уртак документ кабул итәргә планлаштыра. Бу хакта журналистларга РФ Президенты ярдәмчесе Юрий Ушаков хәбәр итте, дип яза ТАСС.
Беренче документ саммитның Казан декларациясе булачак. Анда Россия һәм АСЕАН илләренең халыкара көн тәртибе һәм хезмәттәшлекне алга таба үстерү юнәлешләрендәге уртак позициясе чагылыш табачак.
Ушаков билгеләп үткәнчә, декларациядә илләрнең күпполярлы дөнья төзелешен формалаштыру мәсьәләсендәге позициясе чагылдырылачак.
Икенче төп документ 2026-2030 елларда Россия һәм АСЕАН стратегик партнерлыгын гамәлгә ашыру өчен комплекслы гамәлләр планы булачак.
«Бу документта сәясәт, иминлекне тәэмин итү, сәүдә, инвестицияләр, энергетика, транспорт, авыл хуҗалыгы, цифрлы өлкә, фән, технологияләр кебек төп тармакларда практик кооперацияне киңәйтү өчен конкрет адымнар күрсәтеләчәк», – дип хәбәр иттеләр Кремльдә.
Шулай ук саммит йомгаклары буенча энергетика һәм мәдәният мәсьәләләренә кагылышлы ике уртак белдерү кабул итү планлаштырыла.
Россия һәм АСЕАН партнерлыгының 35 еллыгына багышланган юбилей саммиты Казанда 17-19 июньдә узачак. Аның кысаларында 17 июньдә шулай ук Россия – АСЕАН эшлекле форумы да булачак.
Кызыклы яңалыкларны күзәтеп бару өчен Телеграм-каналга язылыгыз