Урта һөнәри белем бирү йортлары укучылары хәрби хезмәткә алынмаячак
Быелдан егетләр һөнәр үзләштергәннән соң гына армиягә барачак.
Скопировать ссылку
(Казан, 31 март, “Татар-информ”, Лилия Локманова). Урта һөнәри белем бирү йортларында укучылар быелдан диплом алганнан соң гына хәрби хезмәткә барачак. Бу хакта бүген “Татар-информ” мәгълүмат агентлыгы уздырган матбугат очрашуында Татарстан хәрби комиссары Сергей Погодин хәбәр итте.
Аның сүзләренчә, бу “Хәрби бурыч һәм хәрби хезмәт турында”гы федераль канунга кертелгән үзгәрешләр нигезендә тормышка ашырыла.
Моннан тыш, муниципаль районнарда чакырылыш комиссияләрен район башлыклары яки аларның урынбасарлары җитәкләве дә мәгълүм булды.