Татар дөньясы 23 июнь 2017 12:49

Урта Әләзәндә узачак Бөтенроссия авыл Сабан туе мәйданында татар йортын төзеп куячаклар

Сабан туе уңаеннан, Пенза өлкәсе татар милли-мәдәни мохтарияте балалар рәсемнәре бәйгесе дә оештырган.

Скопировать ссылку

(Казан, 23 июн, "Татар-информ"). 22 июльдә Пенза өлкәсенең Городищенский районындагы Урта Әләзән авылында узачак VIII Бөтенроссия авыл Сабан туена багышлап, балалар рәсемнәре һәм кул эшләре бәйгесе үткәрелде, дип хәбәр итә өлкәнең Татар милли-мәдәни мохтарияте. Җиңүчеләрне Сабан туе көнне бүләкләячәкләр.

Татар оешмасы Пенза өлкәсенең Мәгариф министрлыгы белән берлектә оештырган әлеге бәйгегә барлыгы 83 рәсем һәм 35 декоратив-гамәли сәнгать үрнәкләре тапшырылган булган.

Урта Әләзәндә Россия күләмендәге милли бәйрәмне кабул итүгә әзерлек тулы көченә бара. Биредә 35 төбәктән кунаклар көтәләр. Төбәкнең мәгълүмат агентлыгы хәбәр иткәнчә, өлкә парламенты депутаты Михаил Дралин Сабан туе мәйданында бүрәнәдән татар йортын төзергә булышкан. Усть-Уза авылы җәмәгатьчелеге бәйрәмгә татар милли көнкүрешен чагылдырган йорт тәкъдим итәргә тиеш булган. Шуңа күрә авыл халкына депутат ярдәмгә килгән.

#Пенза #Урта Әләзән #Бөтенроссия авыл Сабан туе #Сабантуй

Сәхифәләр

Урта Әләзәндә узачак Бөтенроссия авыл Сабан туе мәйданында татар йортын төзеп куячаклар