Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Урта Әләзән мәчетендә наркотикларның зыяны турында вәгазь сөйләделәр
Вәгазьне Пенза өлкәсенең Городище мөхтәсибәте җитәкчесе Рифат хәзрәт Әбүзәров укыды.
(Казан, 9 гыйнвар, «Татар-информ»). Пенза өлкәсенең Урта Әләзән авылы Җәмигъ мәчетендә Городище мөхтәсибәте җитәкчесе Рифат хәзрәт Әбүзәров «Наркотиклар һәм аларның зарарлы йогынтысы» дигән темага вәгазь укыды. Бу хакта Россия Мөфтиләр шурасының рәсми сайты хәбәр итә.
Бүгенге кешелек дөньясын борчый торган иң авыр афәтләрнең берсе – наркотиклар. Шуның арасында кешеләр безгә Аллаһы Тәгалә тарафыннан бирелгән иң кыйммәтле әйберне – акылны югалта. Наркотик куллану җинаять кылу, организмга зыян салу кебек бик күп тискәре нәтиҗәләргә китерә. Кагыйдә буларак, боларның барысы да иртәме-соңмы үлем белән тәмамлана.
Ислам – психоактив препаратлар куллануга бик кискен карашта торган диннәрнең берсе. Әгәр тагын да төгәлрәк һәм шул терминнар белән әйтсәк, алкоголь һәм наркотиклар исламда «хәмр» («тыелган») дип атала, ә аларны куллану «хәрәм» («тыелган гамәл») була. Шул ук вакытта, кеше акылын югалта торган барлык эчемлек һәм ризыкны куллану да «хәрәм» буларак кабул ителә, диелә бу хәбәрдә.
Кызыклы яңалыкларны күзәтеп бару өчен Телеграм-каналга язылыгыз