Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Урта Әләзән авылында «Әл-Азан 2026» Бөтенроссия татар азаны фестиваленең финалы узачак
Быел фестиваль Россия халыклары бердәмлеге елына багышлана. Бу хакта Бөтендөнья татар конгрессы матбугат хезмәте хәбәр итә.
Чараны оештыручылар — Россия Федерациясе мөселманнары Диния нәзарәте, Бөтендөнья татар конгрессы һәм «Рухи моң» оешмасы.
Фестиваль 2026 елның 4 ноябреннән 12 декабренә кадәр дәвам итәчәк. Анда 7 яшьтән 13 яшькә кадәрге малайлар катнаша ала. Программа кысаларында белем бирү курсы һәм азан әйтү осталары бәйгесе каралган.
Фестивальнең финал этабы Пенза өлкәсенең Урта Әләзән авылында узачак.
Җиңүчегә төп бүләк — кече хаҗ (гомрә) кылу өчен юллама.
Финалистларны шулай ук кыйммәтле бүләкләр көтә. Проектның бүләкләр фонды иганәчеләр ярдәме белән формалаштырылган.
Фестивальнең төп максаты — азан әйтү сәнгатен саклау һәм яңадан торгызу, шулай ук тыңлаучыларны татар мәкамының үзенчәлекләре һәм бай традицияләре белән таныштыру.
Катнашу шартлары һәм өстәмә мәгълүмат алу өчен телефон: +7 927 443-39-69, электрон почта: tatarazan@mail.ru.
Яңалыкларны күзәтеп бару өчен Макс-каналга язылыгыз