Казан кооператив институтында махсус операция ветераны катнашында батырлык дәресе узды
Казан кооператив институтында батырлык дәресе узды, аны «Бердәм Россия Яшь Гвардиясе» Татарстан төбәк бүлеге һәм «Ватанны саклаучылар» фонды филиалы оештырды. Очрашуда 250 студент катнашты. Запастагы подполковник Эльдар Юмангулов дәреснең кунагы булды, дип хәбәр итә «Бердәм Россия Яшь Гвардиясе» матбугат хезмәте.
Чара махсус хәрби операциядә катнашучыларның республика яшьләре белән турыдан-туры аралашуына юнәлдерелгән «Гамәлдәге патриотизм: буыннар диалогы» проекты кысаларында узды.
Очрашу башында активистлар Донбасстагы вакыйгалар турында фильм күрсәтте - ул алдагы сөйләшү өчен башлангыч нокта булды.
Фото: «Бердәм Россия Яшь Гвардиясе» матбугат хезмәте
Эльдар Юмангулов патриотизмның нәрсә икәнлеге һәм аның әһәмияте турында сөйләде. Ул шәхси тәҗрибәсе белән уртаклашты, бигрәк тә махсус хәрби операциядә хезмәт иткәндә дуслык һәм гаиләнең мөһимлеген билгеләп үтте.
Студентларга мөрәҗәгать итеп, ветеран кыенлыклардан курыкмаска, үсешкә омтылырга, туганлыкның һәм үзара ярдәмләшүнең кадерен белергә киңәш итте.
Юмангулов шулай бүләкләре – батырлык өчен медальләре, хәрби хезмәттәге югары күрсәткечләр һәм техник карарларны гамәлгә кертү турында сөйләде. Ул Россия Президенты Владимир Путин Указы нигезендә Жуков медале белән бүләкләнүен һәм ирешелгән нәтиҗәләрне үзе өчен иң әһәмиятле уңышлар дип атады.