Урманчылыклар давылдан соң урманнарны җыештыра
Казан шәһәре янәшәсендә 30 май көнне гарасат булып узган иде.
Скопировать ссылку
(Казан, 8 июнь, "Татар-информ"). Казан шәһәре янәшәсендә 30 май көнне гарасат булып узган иде. "Шәһәр яны", "Кызыл Йолдыз", "Яшел Үзән" һәм "Лаеш урманчылыгы" ДКУ хезмәткәрләре табигать фаҗигасе вакытында җил аударган, давыл сындырган агачларны җыештыру буенча күләмле эш уздыра. Бу хакта Татарстан Урман хуҗалыгы министрлыгы матбугат хезмәте хәбәр итә.
Урманчылык хезмәткәрләре шулай ук коры-сары һәм аунап яткан ботакларны да җыештыра. Көн саен 100дән артык кеше тырышлык күрсәтә.