Урман хуҗалыгы министры урынбасары Апаста киңәшмәдә катнашты
Татарстан урман хуҗалыгы министры урынбасары Рәис Гомәров Апас районында эш сәфәрендә булды. Анда урман хуҗалыгы темасына киңәшмә узды. Бу хакта «Апастово-информ» хәбәр итә.
Биредә урман хуҗалыгының 2023 елда эшчәнлегенә йомгак ясалды. 2024 елга район территориясендә янгын иминлеген тәэмин итү хакында сүз барды.
Киңәшмәдә Татарстан урман хуҗалыгы министры урынбасары Рәис Гомәров, район башлыгы Айрат Җиһаншин, авыл җирлекләре башлыклары катнашты. Буа урманчылыгы җитәкчесе Илнар Гатауллин эшчәнлек буенча чыгыш ясады һәм агымдагы елга бурычлар куйды.
«Апас районында бу өлкәдә зур проблемалар килеп чыкканы юк. Һәр мәсьәлә вакытында һәм оператив хәл ителеп барыла. Бу бердәм, аңлашып эшләүнең нәтиҗәсе. Киләчәктә дә хәвеф-хәтәрләр булмасын иде», - дип теләде Рәис Гомәров.