Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Урман атнасы-2017” республика табигатьне саклау акциясенә Лаеш районы да кушылды
“Лаеш урманчылыгы” ГКУ хезмәткәрләре һәм Лаешның 3нче гомумбелем бирү мәктәбе укучылары Каманың Ак таулар янындагы урманын чистарттылар.
(Лаеш, 15 октябрь☺, "Татар-информ", "Кама ягы").Татарстанда 7сеннән 16 октябрьгә кадәр “Урман атнасы-2017” республика табигатьне саклау акциясе үтә. Аңа Лаеш районы да кушылды.
“Лаеш урманчылыгы” ГКУ хезмәткәрләре һәм Лаешның 3нче гомумбелем бирү мәктәбе укучылары уртак тырышлык белән Каманың Ак таулар янындагы урманын чистарттылар.
-Без бүген 112нче кварталда 5 гектарлы мәйданда эшлибез, - дип сөйли Лаеш участок урманчылыгы урман мастеры Николай Чукуров. – Бер сәгать эчендә ике арба чүп-чар җыйдык инде, ә бу 8 куб! Ял итүчеләргә һәм монда яшәүчеләргә табигатькә сакчыл карарга кирәк.
Зур пакетларга шешәләр, каплар, конфет кәгазьләре, консерв банкалары... җыйган укытучылар һәм укучылар да шул хакта әйтәләр.
-Ял итәргә машиналар белән киләләр, кире киткәндә чүп контейнерлары яныннан үтәләр бит – ни өчен чүпне шунда салмаска? – дип ризасызлыгын белдерә сыйныфташлары белән бергә Урман атнасында катнашкан Алексей Андреев - Без ел саен монда җыештырабыз һәм ел саен шул ук күренеш. Туган ягыбыз табигатен сакларга кирәк.
Малайлар трактор арбасында зур пакетларны алалар һәм бушаталар. Менә тиздән ул тулачак, ә эшнең иге-чиге күренми әле...
Кызыклы яңалыкларны күзәтеп бару өчен Телеграм-каналга язылыгыз