Урланган җиңел машина табылган

(Казан, 24 сентябрь, “Татар-информ”). Кичә сәгать көндезге 1дә Казан – Яшел Үзән автомобиль юлының 22 нче чакрымында урланганнар исәбендә торган “ВАЗ-2106” машинасы ТР буенча Эчке эшләр министрлыгының ЮХИДИ идарәсенең юллардагы патруль хезмәте полкы хезмәткәрләре тарафыннан туктатылган. Әлеге автомобиль һәм салонындагы кешеләр Казанның Киров районы эчке эшләр бүлегенә китерелгән.

“Татар-информ”га бу хакта ЮХИДИ идарәсе хәбәр сала.