Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Урамда бушлай таратыла торган сим-карталарның куркынычы нидә булуын әйттеләр
Килешү төземичә генә алынган карта икенче кешегә теркәлгән булырга мөмкин.
(Казан, 11 гыйнвар, «Татар-информ»). Килешү төземичә генә урамда таратыла торган сим-карталар, кагыйдә буларак, икенче бер кешегә рәсмиләштерелгән. Мондый карталардан файдалану мошенникларның ниндидер сервисларда кулланучының аккаунтларына контроль урнаштыруына китерергә мөмкин. Бу хакта «Прайм» агентлыгы Angara ИБ-компанияләр төркеменең технологияләр һәм үсеш буенча генераль директор урынбасары Дмитрий Пудовка сылтама белән хәбәр итә.
Белгеч аңлатканча, мондый сим-карталарны куллану зур күңелсезлекләргә китерүе ихтимал. Гражданин, картаның чын хуҗасы булмаганлыктан, бернинди хокукларга да ия түгел.
«Мондый тәкъдимнәрдән баш тартуың һәм әлеге сим-карталардан файдаланмавың хәерле. Биредә төп дәлил шуннан гыйбарәт – сез әлеге сим-картаның үзегезнеке икәнлеген раслый алмыйсыз», - диде ул.
Шулай ук мошенникларның картаны яңадан чыгартуы да ихтимал. Бу аларга барлык шалтыратуларны һәм алынган СМС-хәбәрләрне, шул исәптән хәбәрләр белән җибәрелә торган сервислардагы парольләр турындагы мәгълүматны да күрергә мөмкинлек бирәчәк.
Кызыклы яңалыкларны күзәтеп бару өчен Телеграм-каналга язылыгыз