Татар дөньясы 3 июль 2019 15:52

Уральск шәһәрендә татар теле дәресләре укытыла башлаган

Казаннан килгән яшь белгечләр милләттәшләр өчен 12 дәрес уздырырга планлаштыра.

Скопировать ссылку

(Казан, 3 июль, "Татар-информ"). Бүген Уральск шәһәрендә яшәүче татарлар өчен ана теле дәресләре укытыла башланган. Бу хакта җирле Татар мәдәни үзәгенең социаль челтәрдәге рәсми сәхифәсендә хәбәр ителә.

Дәресләрне Казаннан килгән яшь белгечләр Лилия Нуретдинова һәм Ләйсән Вәлиева уздыра. Татар теле дәресләренә балалар гына түгел, өлкәннәр дә йөри ала.

Барлыгы 12 дәрес үткәрү планлаштырыла, диелә хәбәрдә.

Казахстанда барлыгы 200 меңнән артык татар яши. Шуларның 8,5 меңе Көнбатыш Казахстан өлкәсендә яши. Өлкә башкаласы Уральск шәһәрендә элек Татар бистәсе булуы мәгълүм. Шулай ук бу шәһәрдә Габдулла Тукай, Нәҗип Җиһанов, Ибраһим Сәлахов һ.б. татар зыялылары тукталуы билгеле.

#татар теле #уральск

Сәхифәләр

Уральск шәһәрендә татар теле дәресләре укытыла башлаган