"Урал кубогы" турнирының яшь көрәшчеләр арасында җиңүчеләре билгеле булды
Көн дәвамында яшь көрәшчеләр 7 авырлык үлчәвендә бил алышты.
Скопировать ссылку
(Кунгур, 11 ноябрь, "Татар-информ", Фәрит Салихов). Пермь крае Кунгур шәһәрендә көрәш буенча "Урал кубогы" турнирының яшьләр арасында җиңүчеләре билгеле булды.
"Урал кубогы" өчен 17-18 яшьлек егетләр 55, 60, 65, 70, 80, 90 һәм 90 килограммнан югары үлчәү авырлыгында бил алышты.
Яшьләр арасында чемпионнар – Фәннүр Кәшәфетдинов (Башкортстан), Альмир Деникеев (Пермь крае), Илназ Димиев (Татарстан), Айнур Кинзәбаев (Башкортстан), Азамат Сөбхангулов (Башкортстан), Нәсим Габидуллин (Татарстан), Газинур Шаһабиев (Татарстан).
Тиздән ир-егетләр арасында җиңүчеләр ачыкланачак.
