Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Университет спорты фестивалендә Әфганстан җыелмасын этник татар җитәкләячәк
Әфганстанның университет берләшмәсе ил җыелма командасының быелның 19-31 августында Екатеринбургта узачак Университет спорты фестивалендә катнашачагы хакында хәбәр итте. Әфган командасының капитаны итеп этник татар Мәхбубуллах Халеки Татар билгеләнгән.
«Әфганстан мондый ярышларда әле беренче тапкыр гына катнаша. Әлеге уңайдан ватандашыбыз Мәхбубуллах Халеки Татарга зур җаваплылык йөкләнде. Ул Кабул университетында белем ала, Әфганстанда, аеруча балалар арасында спортны таныту белән актив шөгыльләнә. Бу турнирда ул әфган командасы капитаны вазифаларын башкарачак. Шулай ук спорт көрәше ярышларында чыгыш ясаячак», - диде «Татар информ» агентлыгына Әфганстан татарлары Советы башлыгы Зәбихулла Нәдери Татар.
Мәхбубуллах Халеки Татар соңгы ике елда өч ММА халыкара турнирында җиңгән, шулай ук джиу-джитсу буенча илкүләм чемпионатта беренче булган. Әлеге турнирларның нәтиҗәләре буенча ул катнаш бергә-бер көрәш буенча Әфганстан милли җыелмасына кергән. 2022 елда спорт көрәше буенча Әфганстан чемпионы булган, быел исә билбау көрәше турнирында беренче урынны яулаган.
Университет спорты фестивале программасына спортның 14 төре буенча ярышлар кергән. Анда Шанхай хезмәттәшлек оешмасы, БРИКС, БДБ илләреннән, шулай ук кайбер башка дәүләтләрдән 5 меңнән артык спортчы катнашыр дип көтелә.
Кызыклы яңалыкларны күзәтеп бару өчен Телеграм-каналга язылыгыз