УНИКС Красноярскиның "Енисей" командасын отты
Казан клубы 9 матчның берсендә генә оттырды.
Скопировать ссылку
(Казан, 7 гыйнвар, “Татар-информ”, Фәрит Салихов). Казанның УНИКС баскетбол командасы Бердәм лига чемпионатының чираттагы уенында Красноярскиның “Енисей” командасын отты.
УНИКС үз мәйданында 91:76 (17:16, 21:18, 28:21, 25:21) исәбе белән өстенлеккә иреште. Казан командасы составында иң нәтиҗәле уенчы булып 18 очко туплаган Хоаким Колом танылды.
Шулай итеп, Бердәм лига чемпионатында 9 матчның сигезен җиңү белән төгәлләгән УНИКС командасы турнир таблицасының өченче баскычына урнашты.
УНИКС Бердәм лига чемпионатында чираттагы уенны 14 гыйнварда Түбән Новгородта “Нижний Новгород” командасына каршы уздыра.