УНИКС баскетболчылары Төркия командаларына каршы иптәшләрчә очрашулар уздыра
"Галатасарай" һәм "Истанбул" командаларына каршы уеннар Төркиядә үтә.
Скопировать ссылку
"Казан, 18 апрель, "Татар-информ"). Казанның УНИКС баскетболчылары Төркиядә "Галатасарай" һәм "Истанбул" командаларына иптәшләрчә очрашу уздыра. "25 һәм 27 апрельдә УНИКС Истанбулда "Истанбул" һәм "Галатасарай" командалары белән очраша", – дип хәбәр иткән клубның матбугат хезмәте "Р-Спорт" агентлыгына.
Иптәшләрчә очрашулар уздыру карары юктан гына кабул ителмәгән: Бердәм лиганың даими чемпионатын 13 апрельдә үк төгәлләгән УНИКСка плей-офф алдыннан уен тәҗрибәсе кирәк. Чөнки хәлиткеч матчлар әле май башында гына старт ала.
Исегезгә төшерәбез, УНИКС даими чемпионатны 5 нче урында төгәлләде.