«Uma2rman» төркеме Казанда Татарстан көненә багышланган концертның хедлайнеры булачак
«Uma2rman» төркеме Казанда Татарстан көненең хедлайнеры булачак
«Uma2rman» төркеме Казанда Татарстан көненең бәйрәм программасы хедлайнеры булачак. Бу хакта эшлекле дүшәмбе утырышында шәһәр башкарма комитеты җитәкчесенең социаль мәсьәләләр буенча урынбасары Азат Абзалов хәбәр итте.
Бәйрәм программасы «Казан» гаилә үзәге янында 15:00 сәгатьтә башланачак һәм 22:00 сәгатькә кадәр дәвам итәчәк. Быел бәйрәм беренче тапкыр бердәм фестиваль форматында узачак.
Мәйданда Казан шәһәр филармониясе артистлары, Гүзәл Уразова, шулай ук Илһам Шакировка багышланган трибьют башкаручылары чыгыш ясаячак.
Көн дәвамында «Казан» гаилә үзәге янында тематик мәйданчыклар эшләячәк. Кунаклар бушлай күзләрен тикшерә, йога дәресләрендә катнаша, диджейлар сетларын тыңлый һәм өстәл уеннары уйный алачак.
Шулай ук фестиваль территориясендә ярминкә эшләячәк. Анда 20дән артык бренд үз продукциясен тәкъдим итәчәк. Мәйданчык шәһәр эшкуарларын, дизайнерларын, һөнәрчеләрен һәм җитештерүчеләрен берләштерәчәк.
Фестиваль мәйданчыкларының эше ачык шәһәр дискуссиясе белән тәмамланачак. Анда катнашучылар Казанны үстерү һәм уңайлы шәһәр мохитен булдыру идеяләре турында фикер алышачак.