Икътисад 12 октябрь 2016 16:42

Улюкаев Финанс министрлыгыннан бюджет кагыйдәләрен эшләп бетерүне сорый

Аны эшләүчеләр яңа бюджет кагыйдәләре 2020 елның гыйнвареннан гамәлгә керәчәк дип белдерә.

Скопировать ссылку

(Казан, 12 октябрь, «Татар-информ»). Россия икътисади үсеш минстрлыгы башлыгы Алексей Улюкаев Финанс министрлыгы тарафыннан тәкъдим ителгән яңа бюджет кагыйдәләре әлегә эшләнеп бетмәгән, дип белдерә. Бу хакта РИА «Новости» яза.

«Бюджет кагыйдәләре бөтенләй эшләнмәгән, ә аны эшләүчеләр 2020 елның гыйнвареннан алар гамәлгә керәчәк дип белдерә, безнең алда исә фикерләшер өчен өч ел ярым вакытыбыз бар», — дигән ул.

Шуның белән бергә ул әлеге бюджет кагыйдәләренә каршы түгеллеген белдергән.

«Мин кагыйдәләрнең кемгәдер файдалы чакта кулланыр өчен түгел, ә кагыйдәләрнең кагыйдә булырга тиешлеген искәртер идем. Кагыйдәләрнең әлеге вариантының дөрес булачагына берәү дә ышанмый. Без төрле тәкъдимнәргә риза, бары тик фикерләшергә кирәк », — дип аңлаткан министр.

Элек Финанс министрлыгы яңа бюджет кагыйдәләрен гамәлгә кертү вакытын үзгәрткән, дип хәбәр ителгән иде.

Үзәк банк җитәкчесе Эльвира Нәбиуллина шулай ук бюджет кагыйдәләре булдырө кирәклеген әйткән, чөнки алар “рубль”ның реаль курсын ныгытуны саклап калу өчен кирәк.

#Улюкаев #Эльвира Нәбиуллина #Финанс министрлыгы

Сәхифәләр

Улюкаев Финанс министрлыгыннан бюджет кагыйдәләрен эшләп бетерүне сорый