Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ульяновскиның Мәләкәс татар автономиясе рәисе Азат Мидаров Мәләкәс районы башлыгы булды
Ульяновск өлкәсе Мәләкәс районының яңа башлыгы итеп Азат Мидаров сайланды. Ул 2023 елдан Мәләкәс районы татар милли-мәдәни автономиясе рәисе вазифасында да эшли. Бу хакта Ульяновск өлкәсенең «Өмет» газетасы телеграм-каналында хәбәр ителә.
Хәбәрдә әйтелгәнчә, Азат Мидаров иҗтимагый оешмада эшли башлаганнан бирле үзен мохтарият әгъзаларының барлык проблемаларына игътибарлы җитәкче буларак күрсәтте. Моисеевка, Сабакай һәм Филипповка авылларының хатын-кызлар вокаль коллективлары өчен милли киемнәр тектерделәр. Мәләкәс районы өлкә Сабан туе бәйгесендә 1 урынны алды. Мәләкәс районының 95 еллыгы бәйрәмендә татар ишегалды шулай ук «Милли гореф-гадәтләрне саклау» номинациясендә призёр булды.
«Алда татар халкының телен, мәдәниятен һәм гореф-гадәтләрен саклау һәм үстерү, шулай ук районның иҗат коллективларын берләштерүдә зур планнарыбыз бар. Азат Мидаровка туган ягыбыз Мәләкәс районына хезмәт итүдә уңышлар телибез», диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз