Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ульяновскиның Ислам мәдәният үзәгендә Мәүлид бәйрәме узган
Ульяновск шәһәренең Засвияжье районында урнашкан Ислам мәдәният үзәгендә Мәүлид бәйрәме уңаеннан мәҗлес үткән. Бу хакта «Өмет» газетасының телеграм-каналында хәбәр ителә.
Мәүлид бәйрәме мөселман өммәте тарихында иң бөек көннәрнең берсе – иң яраткан Пәйгамбәребез Мөхәммәд сәлаллаһу галәйһи вәсәлламнең туган көне. Мәҗлестә мәхәллә аксакаллары, мөгаллимәләр, шәкертләр, юмарт малтабарлар һәм мөхтәрәм кунаклар - Засвияжье районы администрациясе башлыгы Ринат Садыйков, шәһәр Думасы депутаты Рамил Абитов, өлкә татар милли мәдәни автономиясе рәисе Рамис Сафин , «Өмет» газетасының баш мөхәррире Исхак Хәлимов катнашкан.
Мәхәллә имам хатыйбы Хасиятулла хәзрәт Пәйгамбәребез Мөхәммәднең тормыш юлы турында тирән эчтәлекле вәгазь сөйләде. Мәхәллә рәисе Шәфикъ Иматдинов динебез үсешенә үзләреннән өлеш кертүче малтабарларга рәхмәт сүзләрен ирештерде. Коръән Кәримнән сүрә укып дога кылганнан соң, мөселман кардәшләребез хәләл ризыклардан авыз иттеләр, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз