Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ульяновскида Татарстан Республикасы Мәдәнияте көннәре тәмамланды
Биш көн дәвамында төбәктә ТР ның әйдәп баручы коллективлары һәм оешмалары катнашында чаралар узды
(Казан, 17 ноябрь, «Татар-информ»). В Ульяновскида Ленин мемориалының Зур концерт залында Татарстан Республикасы Мәдәнияте көннәре уңышлы тәмамланды. Биш көн дәвамында төбәктә ТРның Дәүләт халык уен кораллары оркестры, Г.Камал исемендәге Татар дәүләт академия театры, Буа драма театры, ТР Дәүләт җыр һәм бию ансамбле һ.б. кебек әйдәп баручы иҗат коллективлары һәм оешмалары катнашында чаралар узды.
Татарстан Республикасы Мәдәнияте көннәре чараларында берничә мең тамашачы булды.
Ульяновск өлкәсендә Татарстан Мәдәнияте көннәрен тантаналы ябу кысаларында Татарстан Республикасы Дәүләт җыр һәм бию ансамбле концерты узды. Бәйрәм чарасына килүчеләр татар һәм рус телендә халык җырларын тыңлап һәм халык биюләрен карап кинәнде. Концерт алдыннан Татарстан Республикасы декоратив-гамәли сәнгать осталары күргәзмәсен дә карарга мөмкин иде.
“Ульяновск өлкәсе хезмәттәшләребез белән бергә оештырган Мәдәният көннәренә ихтыяҗ бар һәм халык өчен кызыклы чара. Проектның халык күңеленә хуш килүенә шатбыз”, - дип билгеләп үтте ТР мәдәният министры урынбасары Гүзәл Нигъмәтҗанова ябылу тантанасында. Ульяновск өлкәсе сәнгать һәм мәдәни сәясәт министры Татьяна Ившина ТР Мәдәният министрлыгына хезмәттәшлек өчен рәхмәт белдерде һәм Ульяновск өлкәсе губернаторы Сергей Морозов исеменнән Татарстан Республикасы Дәүләт җыр һәм бию ансамбле җитәкчесе Айрат Хәмитовка Рәхмәт хаты тапшырыды, дип хәбәр итә оештыручылар.
Кызыклы яңалыкларны күзәтеп бару өчен Телеграм-каналга язылыгыз