Татар дөньясы 22 август 2024 21:50

Ульяновскида Татар мәдәнияте үзәгендә ачык ишекләр көне була

Скопировать ссылку

30 августта 11 сәгатьтә Ульяновск шәһәре Татар мәдәнияте үзәгендә ачык ишекләр көне була. Бу турыда «Өмет» газетасы телеграм-каналында хәбәр ителә.

«Сәнгатькә гашыйк булган нәни дусларыбызның «Идел» халык бию ансамбленә, «Хыял тамчылары» балалар вокаль ансамбленә язылу мөмкинлеге булачак. Биючеләр өчен 18 сәгатьтә «Идел» халык бию ансамбле ачык дәрес үткәрә. Балаларга үзләре белән футболка, лосина, балетки, коврик, оекбаш алып килү сорала һәм чәчләре җыелган булырга тиеш. Шулай ук «Урама» халык фольклор ансамбле һәм Барый Тарханов исемендәге татар халык театры коллективы үзенә яңа талантларны көтеп кала», диелә хәбәрдә.

#Ульяновск татарлары #Ульяновск өлкә Татар мәдәнияте үзәге

Сәхифәләр

Ульяновскида Татар мәдәнияте үзәгендә ачык ишекләр көне була