Ульяновскида Барый Тарханов исемендәге төбәкара театр фестивале тәмамланды
Скопировать ссылку
Ульяновск шәһәрендә үзешчән татар халык театрларының Барый Тарханов исемендәге төбәкара театр фестивале тәмамланды. Бу хакта Ульяновскиның «Өмет» газетасы телеграм-каналында хәбәр ителә.
Анда өлкә авыл-районнарында эшләп килүче үзешчән театрлар белән берлектә Татарстанның Апас, Менделеевск, Яшел Үзән, Буа районнары коллективлары Ульяновск тамашачысына 10 спектакль тәкъдим итте.
Фестивальне ябу хокукы Иске Кулаткы районының татар халык театрына бирелде. Алар танылган драматург Илгиз Зәйниевнең «Люстра» спектаклен күрсәттеләр. Фестивальне ябу тантанасында лауреат исеменә лаек булган һәр иҗат коллективына да оештыручыларның дипломнары һәм бүләкләр тапшырылды, диелә хәбәрдә.