Ульяновскида «Бәби туе» йоласын күрсәттеләр
Скопировать ссылку
Ульяновск шәһәренең Зөя аръягы районы «Ак калфак» татар хатын кызлары оешмасы «Бәби туе» йоласын күрсәтте. Бу хакта Ульяновскиның «Өмет» газетасы телеграм-каналында хәбәр ителә.
Йола барышында «Ак калфак»лылар тамашачыга Сембер татарларының гореф-гадәтләрен - балага бишек әзерләү, мәгънәле татар исеме кушу, дөге бәлеше пешереп кунакка бару, бәби чәе уздыруны күрсәттеләр.
«Халкыбызның онытылып килүче йолаларын кире кайтару һәм яшьләргә тапшырып калдыру буенча эзлекле эш башкарабыз. Бәйрәмдә яшьләрнең һәм татар теле дәресендә укучы балаларның катнашуы бик шатландыра» – ди җирле Ак калфак оешмасы җитәкчесе Рузия Хәлимова.