Татар дөньясы 10 август 2026 21:54

Ульяновск татар мәдәнияте үзәге Ачык ишекләр көне үткәрә

Скопировать ссылку

28 августта Ульяновск татар мәдәнияте үзәге (Нариманов проспекты, 25 йорт) кунаклар һәм шәһәр халкы өчен үз ишекләрен ача. Монда Ачык ишекләр көне узачак. Чара 11:00 сәгатьтән 18:00 сәгатькә кадәр узачак. Бу хакта Бөтендөнья татар конгрессы матбугат хезмәте хәбәр итә.

Көн дәвамында кунаклар үзәкнең әйдәп баручы үзешчән коллективлары: «Идел» халык бию ансамбле, Бари Тарханов исемендәге Татар халык театр коллективы, «Хыял тамчылары» балалар вокаль ансамбле һәм «Урам» фольклор ансамбле иҗаты белән таныша алачак.

Очрашуның кульминациясе «Идел» халык бию ансамбленнән ачык дәрес булачак, ул 18:00 сәгатьтә башлана. Мастер-класста катнашырга теләүчеләрдән спорт формасы алып килүләре сорала

Татар мәдәнияте үзәге туган телне, гореф-гадәтләрне саклау һәм Татарстан Республикасыннан читтә яшәүче татарларны берләштерү өчен мөһим тарту ноктасы булып хезмәт итә. Мондый Ачык ишекләр көннәре иҗат коллективларының казанышларын күрсәтеп кенә калмыйча, тату татар гаиләсенә яңа катнашучылар җәлеп итәргә дә мөмкинлек бирә, буыннар арасындагы элемтәне ныгыта, диелә хәбәрдә.

Сәхифәләр

Ульяновск татар мәдәнияте үзәге Ачык ишекләр көне үткәрә