news_header_top
16+
news_header_bot
news_top

Ульяновск өлкәсендә яшәүче татар егете халыкара ярышларда җиңде

Ульяновск өлкәсендә яшәүче татар егете, танылган көрәшче Артур Хәкимов Үзбәкстанда «Дуслык кубогы»на узган көрәш буенча халыкара ярышларда Россия җыелма командасы составында катнашты. Ул алтын медальгә лаек булды, дип хәбәр итә Бөтендөнья татар конгрессы матбугат хезмәте.

Турнир дөньяның төрле илләреннән йөздән артык иң көчле атлетны берләштерде. Ярышлар программасына көрәшнең берничә төре кертелгән иде. Артур Хәкимов билбау көрәше буенча чыгыш ясады.

  • Артур Хәкимов — көрәш буенча Россиянең халыкара класслы спорт мастеры, ике тапкыр дөнья чемпионы һәм БРИКС уеннары җиңүчесе.
news_right_1
news_right_2
news_bot