Укытучыларга ел саен һөнәри бәйрәмнәре уңаеннан түләүләр кертергә тәкъдим ителде
Дәүләт Думасы вице-спикеры Борис Чернышов РФ вице-премьеры Дмитрий Чернышенкога Россиядә Укытучылар көненә ел саен база оклады күләмендә түләү кертү тәкъдиме белән мөрәҗәгать юллады. Бу хакта «РИА Новости» хәбәр итә.
Мөрәҗәгатьтә аныкланганча, инициатива барлык педагогларга, шул исәптән өстәмә белем бирү өлкәсе хезмәткәрләренә дә кагыла. Автор фикеренчә, түләү укытучы һөнәренең әһәмиятен ассызыкларга һәм һәр педагогка һөнәри бәйрәмдә игътибарны һәм танылуны тоярга мөмкинлек бирергә тиеш.
Чернышов билгеләп үткәнчә, мондый чара матди ярдәм генә түгел, ә һөнәрнең абруен ныгыту ысулы да, шулай ук мәгарифтә кадрлар потенциалын саклап калу факторы да булачак.
Укытучылар өчен өстәмә түләү, бигрәк тә уку елы башында, сизелерлек ярдәм була алыр иде, дип билгели депутат.
Мондый адым финанс ярдәме генә түгел, ә дәүләт тарафыннан илнең киләчәген формалаштыруда педагогларның уникаль ролен тануны һәм хөрмәт итүне раслау да булыр иде, диде ул.