news_header_top_970_100
news_header_bot_970_100

Укытучылар көне уңаеннан Казан телеманарасында бәйрәм уты кабызылачак

Иртәгә, 5 октябрьдә, Укытучылар көне уңаеннан Казан телеманарасында бәйрәм уты кабызылачак.

Шәһәр халкы һәм кунаклары светодинамик тамашаны 17:00 сәгатьтән 23:00 сәгатькә кадәр күзәтә алачак, дип хәбәр иттеләр Цифрлар министрлыгының матбугат хезмәтендә.

Манарада Россия Федерациясе дәүләт флагы фонында «Педагог һәм остаз елы» дип язылачак.

2023 ел Россия Президенты указы белән Педагог һәм остаз елы дип игълан ителде. Елның миссиясе – педагогик хезмәткәрләрнең, шул исәптән остазлык эшчәнлеген башкаручыларның статусын тану.

autoscroll_news_right_240_400_1
autoscroll_news_right_240_400_2
news_bot_970_100