Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Укучыларның каникулы вакытында укытучыларның белемнәре тикшереләчәк
Мөгаллимнәрнең диагностик тестлаштыруы 31 октябрьгә билгеләнгән.
(Казан, 18 октябрь, «Татар-информ», Гүзәл Насыйбуллина). Укытучыларның белем дәрәҗәсен тикшерү быел 31 октябрьгә билгеләнгән. Диагностик тестлаштыру республикада беренче генә тапкыр үткәрелми. Агымдагы елда да Татарстан мөгаллимнәре укучыларның көзге каникулы вакытында шушы сынауны узачак. Бу хакта “Татар-информ” мәгълүмат агентлыгында уздырылган матбугат очрашуында Татарстанның мәгариф һәм фән министры урынбасары Лариса Сулима хәбәр итте.
“Мәгълүм булганча, бу – Татарстан Мәгариф һәм фән министрлыгының гына түгел, федераль министрлыкның да сәясәте. Балаларыбыз әлеге тестлаштыруны үтә икән, укытучылар да сынау аша узарга тиеш”, – ди Лариса Сулима.
Аның сүзләренчә, әлеге диагностик тестлаштыруның максаты кемнедер эшеннән чыгару түгел, ә укытучының үзенә нинди белем җитмәвен ачыклау, квалификацияне күтәрү курсларында үз белем дәрәҗәсен үстерү өчен таләп ителгән белем алу модулен сайлау.
Искәртеп узабыз, һәр укытучы өч елга бер тапкыр квалификация күтәрү курсларын уза.
Кызыклы яңалыкларны күзәтеп бару өчен Телеграм-каналга язылыгыз