Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Президенты Украинадан кайткан Росгвардия хезмәткәрләре белән очрашты
Бүген Казанга Украинадагы махсус операция вакытында хезмәт-хәрби бурычларын үтәгән Росгвардия хезмәткәрләре кайтты. Хәрбиләрне каршы алу республиканың чикләрендә башланды һәм Казан үзәгенә кадәр дәвам итте. Махсус техника колоннасын Җиңү билгеләре һәм флаглары белән республика халкы, волонтерлар һәм иҗтимагый оешмалар сәламләде.
Республика башкаласында росгвардиячеләрнең кайтуы уңаеннан тантаналы очрашу узды. Чарада Татарстан Республикасы Президенты Рөстәм Миңнеханов катнашты.
Хәрби хезмәткәрләрне аларның туганнары һәм якыннары каршы алды. Рөстәм Миңнеханов росгвардиячеләрне хәрби бурычларны уңышлы үтәүләре белән котлады. Ул билгеләп үткәнчә, Украинадагы махсус операция барышында Югары Баш командующий Владимир Путин җитәкчелегендәге Россия армиясе җиңүчеләр буынының данлы хәрби традицияләрен лаеклы дәвам итә.
«Россия Кораллы көчләренең оборона потенциалы һәм абруе арта. Ватанга һәм халыкка хезмәт итү юлын сайлап алып, Татарстан Республикасында туып-үскән солдатлар һәм тәрбияләнүчеләр, дөньяны үз тормышлары бәрабәренә саклап, геройлык күрсәтәләр. Сезнең һәрберегез тарихыбыз белән йөкләнгән җаваплылыкның югары дәрәҗәсен аңлыйдыр дип ышанам. Без, әлбәттә, җиңүгә ирешәчәкбез!» – дип ассызыклады Рөстәм Миңнеханов.
Шулай ук шәхси составка РФ Милли гвардия гаскәрләренең федераль хезмәтенең ТР буенча идарәсе башлыгы, полиция генерал-майоры Рөстәм Гомәров та мөрәҗәгать итте. «Сез куелган барлык бурычларны намус белән үтәдегез һәм тыныч гражданнарны яклап, тормышыгызга куркыныч янады. Бу авыр вакыт эчендә сез Ватанга тугры калдыгыз, ныклык, батырлык һәм югары профессиональлек күрсәттегез, сезнең ихтыярыгызны сындырып булмауны тагын бер кат исбатладыгыз», – дип билгеләп үтте Рөстәм Гомәров.
Татарстан Президенты һәм Росгвардиянең Татарстан Республикасы буенча идарәсе башлыгы Татарстан Республикасы дәүләт бүләкләрен һәм ведомство бүләкләрен тапшырды. Бу хакта Татарстанның матбугат хезмәтендә хәбәр иттеләр.
Кызыклы яңалыкларны күзәтеп бару өчен Телеграм-каналга язылыгыз