Сәясәт 8 июнь 2018 10:57

Украина тышкы эшләр министры: Крым татарлары - Украинаның аерылгысыз өлеше

Бу хакта Павел Климкин Анкарада Кырым төркиләренең үзара ярдәм һәм мәдәният Ассоциациясе оештырган ифтар вакытында белдергән.

Скопировать ссылку

(Казан, 8 июнь, “Татар-информ”). Крым татарлары - Украинаның аерылгысыз өлеше. Бу хакта Анкарада Кырым төркиләренең үзара ярдәм һәм мәдәният Ассоциациясе оештырган ифтар вакытында Украинаның тышкы эшләр министры Павел Климкин әйтте, дип хәбәр итә Анадолу сайты.

Чарада шулай ук Төркиянең тышкы эшләр министры Мәүлет Чавушоглу, крым-татар халкы лидеры, Украина парламенты депутаты Мостафа Әбделҗәмил Кырымоглу да катнашкан.

“Украинада 1 миллионнан артык татар яши, алар безнең халыкның һәм мәдәниятнең аерылгысыз өлеше булып тора. Мөселман җәмгыяте Украина дәүләтен саклауда һәм үстерүдә мөһим роль уйный”, дип белдерде Климкин.

Бүген Крым татарлары, оккупация шартларында, каты басымга һәм эзәрлекләүләргә дучар булып, үз хокукларын яклый, дип билгеләп үтте Павел Климкин.

Украина дипломатиясе башлыгы Украинаның территориаль тулылыгы һәм суверенитетына ярдәм итү һәм бу юнәлештә ныклы адымнары өчен Төркиягә рәхмәтен белдерде.

#павел климкин #кырым татарлары

Сәхифәләр

Украина тышкы эшләр министры: Крым татарлары - Украинаның аерылгысыз өлеше