Җәмгыять 24 сентябрь 2014 11:24

Украина качаклары үз иленә кайта башланды - Сергей Иванов

Иванов, качаклар Россиядә калырга тели икән, "аларга ярдәм итү - барлык хакимият органнарының изге бурычы", дип тә өстәде

Скопировать ссылку

(Казан, 24 сентябрь, «Татар-информ»). Украина качаклары илләренә әйләнеп кайта башлады. Бу хакта РФ Президенты администрациясе башлыгы Сергей Иванов белдерде.

"Соңгы атналарда без качакларның Украинаның көньяк-көнчыгышына - Донецк һәм Луганск өлкәләренә әйләнеп кайта башлавын күрдек", - дип белдерде РФ Президенты администрациясе башлагы Курильск халкы белән аралашкан вакытта.

Иванов, качаклар Россиядә калырга тели икән, "аларга ярдәм итү - барлык хакимият органнарының изге бурычы", дип тә өстәде. Ул шулай ук эш бирүче компанияләргә андый хезмәткәрләрнең гаиләләренә хезмәти торак бирү турында да уйларга тәкъдим итте.

Администрация башлыгы ассызыклаганча, Украина халкын берәү дә Россия гражданлыгын кабул итәргә мәҗбүриләми: алар Россиядә теләсә нинди статуста, шул исәптән качак статусында да, яши һәм эшли ала. Иванов искәрткәнчә, Украинадан берничә качак Куриль утрауларына кадәр барып җиткән, дип хәбәр итә "Интерфакс".

Сәхифәләр

Украина качаклары үз иленә кайта башланды - Сергей Иванов