Уфаның «Әр-Рәхим» Җәмигъ мәчете манарасына яңа гөмбәз куйдылар
Бүген, 18 августта, Уфадагы «Әр-Рәхим» Җәмигъ мәчетенең бер манарасына кран ярдәмендә яңа гөмбәз урнаштырдылар. Бу хакта «Башинформ» агентлыгы хәбәр итә.
Башкортстан мөселманнары Диния нәзарәте объектны торгызу өчен Волгодонскиның «Грант» инженерлык үзәге ЯАҖ белән килешү төзеде, предприятие конструкциянең өске өлешен әзерләде һәм урнаштырды.
«Башинформ» агентлыгы элегрәк хәбәр иткәнчә, 13 мартта көчле җил төзелә торган мәчетнең иске гөмбәзен куптарган иде. Якынча мәгълүматлар буенча, ул инженерлык хатасы нәтиҗәсендә җимерелгән.
Шул ук вакытта, Башкортстан Башлыгы Радий Хәбиров бер киңәшмәдә бер ай эчендә барлык төзелеш документларын өйрәнергә, объектның торышын бәяләргә һәм аны төзү буенча оператив штаб булдырырга кушты.