Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Уфаның Акмулла университетында Каюм Насыйриның 200 еллыгы уңаеннан чаралар уза

14 февральдә Уфаның Мифтахетдин Акмулла исемендәге Башкортстан дәүләт педагогия университетында бөек галим, мәгърифәтче һәм этнограф Каюм Насыйриның 200 еллык юбилеена багышланган лекция узды. Бу хакта «Каюм Насыйри институты» матбугат хезмәте хәбәр итә.
«Телдә синергия. Туган телләрдәге этимологик оялар» темасына оештырылган лекция-тренингта М.Акмулла исемендәге БДПУ студентлары, татар теле курсларында укучылар һәм Уфа шәһәренең 84нче татар гимназиясе, Гази Заһитов исемендәге 65нче татар гимназиясе укучылары катнашты.
Лекцияне Уфадагы Каюм Насыйри институтының укыту-методика үзәге методисты, доцент Нурия Халиуллина алып барды. Лекция барышында катнашучылар тирә-як дөньяны танып белү процессларының һәм аларның тел системасында чагылышының үзара бәйләнеше турында белемнәрен арттырды. Мәгърифәтче үзенең хезмәтләрендә һәрвакыт чынбарлыкны фәнни яктан тикшерүнең мөһимлеген ассызыклаган – «Фән кешенең акылына көч өсти», дип әйткән.

Каюм Насыйри институты матбугат хезмәте
Туган телләр материалында телнең үсешенең кызыклы законлылыгы, төрки телләрдә лексик берәмлекләр арасындагы этимологик бәйләнешләр күрсәтелде, сүзләрнең мәгънәләр структурасын, уртак тамырлы сүзләрне, төп телнең дәрәҗәсендә чагыштырма анализ үткәрелде. Лекциядә катнашучылар тренинг формасында үзләренең эчке дөньяларын ачуга омтылды. Телдә синергия – ул туган телләрдәге уртак тамырлар, шулай ук дөньяны чагыштыруда уртак законнар, концептлар һәм образлар белән дә чагылыш таба.
«Мондый лекцияләр безне үз дөньябызга башка күзлек белән карарга мәҗбүр итә, тел, шәхес һәм табигать арасындагы якларны ачып бирә,» — дип билгеләп үтте «Педагогика белеме» юнәлешендә 5нче курс студенткасы Энҗе Бакирова.
- 10 февральдә «Каюм Насыйри институты» галимнең 200 еллыгы уңаеннан чаралар декадасын башлап җибәрде. Декада кысаларында К.Насыйриның тормыш юлы һәм фәнни эшчәнлегенә багышланган ачык лекцияләр, фәнни-гамәли конференцияләр, Россиянең төрле төбәкләрендә галимне искә алу чараларын уздыру каралган.
Кызыклы яңалыкларны күзәтеп бару өчен Телеграм-каналга язылыгыз